काठमाडौं- नेपाली कला क्षेत्रका वरिष्ठ छायाँकार बिदुर पाण्डेको निधन भएको छ। बुधबार बिहान हृदयघातका कारण उनको निधन भएको हो।
चलचित्र प्राविधिक संघका अध्यक्ष पुस्कर लामाका अनुसार पाण्डेलाई सीतापाइला स्थिती आफ्नै घरमा हृदयाघात भएपछि उपचारका लागि गंगालाल अस्पताल पुर्याइएको थियो।
अस्पताल पुर्याए लगत्तै चिकित्सकले मृत घोषित गरेका थिए। उनको ५४ वर्षको उमेरमा निधन भएको हो।
‘कागबेनी’ लगायत केही फिल्म छायांकन गरेका पाण्डे म्युजिक भिडियोका लोकप्रिय छायाँकार हुन्। पाण्डेको आजै पशुपति आर्यघाटमा अन्त्येष्टि गरिने पारिवारिक स्रोतले जनाएको छ।