काठमाडौं- ३१ औं सिजनको इंग्लिस प्रिमियर लिगको पहिलो खेलमै म्यानचेस्टर युनाइटेड पराजित भएको छ। युनाइटेडको घरेलु मैदानमा आइतबार राति सम्पन्न भएको खेलमा युनाइटेडले ब्राइटनसँग २–१ को हार बेहोरेको हो।
घरेलु समर्थकमाझ युनाइटेले खेलको ३० औं मिनेटमै पहिलो गोल बेहोरेको थियो। ब्राइटोनका लागि वेलम्याकले दिएको पासमा पास्कल ग्रोबले गोल गरेका थिए।
खेलको ३९ औं मिनेटमा पास्कलले नै अर्को गोल गरेपछि पहिलो हाफमै ब्राइटोनले दुई गोलको अग्रता बनाएको थियो।
दोस्रो हाफको ६८ औं मिनेटमा अलेक्स म्याकअलिस्टारले आफ्नै पोस्टमा गोल गरेका थिए। अलेक्स ब्राइटोनका खेलाडी भएका कारण युनाइटेले एक गोल कोसेलि पाएको हो। यससँगै खेलबाट ब्राइटोनले तीन अंक जोड्यो भने युनाइटेले पहिलो खेलमा अंक जोड्न सकेन।
ब्राइटोनले १४ खेलपछि मात्र ओल्ड ट्राफोर्डमा युनाइटेडविरुद्ध जित निकाल्न सकेको हो। र, पछिल्लो तीन सिजनमध्ये युनाइटेले दुई सिजनमा सुरुआति खेलमा हार बेहोरेको छ।