स्वास्थ्य बिमाको दायरा १० लाख बनाउन गगन थापाको ध्यानाकर्षण

काठमाडौं- नेपाली कांग्रसका महामन्त्री गगनकुमार थापाले स्वास्थ्य बिमाको दायरा बढाएर १० लाखसम्म बनाउन स्वास्थ्यमन्त्रीको ध्यानाकर्षण गराएका छन्। उनले बिहीबार स्वास्थ्यमन्त्री भवानी खापुङलाई भेटर स्वास्थ्य बिमाको दायरा बढाउन ध्यानकर्षण गराएका हुन्। 

उनले आफ्नो ट्विटर ह्यान्डलमार्फत स्वास्थ्यमन्त्रीसँग भेट गरेको जानकारी गराएका हुन्। उनले ट्विटरमा लेखेका छन्, 'स्वास्थ्य बीमाको सन्दर्भमा आज स्वास्थ्य मन्त्रीज्यूलाई भेटेर स्वास्थ्य बीमाको दायरा कम्तिमा १० लाख बनाउन, सेवा सहज र गुणस्तरीय बनाउन, जनशक्ति-पूर्वाधार व्यवस्थापनको लागि एकीकृत पूर्वाधार मापदण्ड कार्यान्वयन लगायतका विषय राखेको छु। विश्वास छ, मन्त्रीज्यूको सकारात्मक पहल लिनुहुनेछ।'

महामन्त्री गगन थापा र काठमाडौं महानगरपालिकाका मेयर बालेन्द्र शाहबीच भेटवार्ता भएको थियो। उनीहरुबीच काठमाडौं महानगरपालिकाको फोहोर व्यवस्थापनका विषयमा छलफल भएको बताइएको छ।