खेल मैदानमै गोलकिपर चेम्जोङले लगाइदिए प्रेमिकालाई औंठी

काठमाडौं– नेपाली राष्ट्रिय फुटबल टिम कप्तान गोलकिपर किरण चेम्जोङले आफ्नी प्रेमिका कञ्चन निरौलालाई खेल मैदानमै विवाहको प्रस्ताव राखेका छन्।माल्दिभ्सको शीर्ष डिभिजनको धिवेही प्रिमियर लिगको उपाधि जितेको मौका पारी उनले प्रेमिकालाई प्रेम प्रस्ताव राखेका हुन्।

उक्त भिडियो किरणले सञ्चार माध्यममार्फत सार्वजनिक गरेका थिए। उनको प्रस्तावलाई प्रेमिकाले सहर्ष स्वीकारेकी छन्। उनीहरू विगत डेढ वर्षदेखि प्रेमसम्बन्धमा थिए। निरौला विमान परिचारिका हुन्। किरणको खेल हेर्न निरौला र उनकी आमा माल्दिभ्स गएका थिए। किरणले यस प्रतियोगितामा उत्कृष्ट गोलकिपरको अवार्ड जितेका छन्।