म्याग्दी पहिरो अपडेट : मृतकको संख्या पाँच पुग्यो, सबै एकै परिवारका

काठमाडौं– म्याग्दीमा आज (मंगलबार) बिहान पहिरोले घर बगाउँदा एकै परिवारका ५ जनाको मृत्यु भएको छ।

म्याग्दी जिल्ला प्रहरी कार्यालय म्याग्दीका प्रवक्ता प्रहरी निरीक्षक राजन ढकालका अनुसार जिल्लाको मालिका गाउँपालिका–२ रुममा पहिरोले घर बगाउँदा ३८ वर्षीय घाम बहादुर बिकसहित उनको परिवारका ५ जनाको मृत्यु भएको हो। 

प्रहरीका अनुसार पहिरोमा परी ३८ वर्षीय घामबहादुर बिक, उनकी पत्नी ३५ वर्षीया राममाया बिक, छोराहरु १५ वर्षीय नविन बिक, १३ वर्षीय राजन बिक र नाम नखुलेकी ५ वर्षीया छोरीको शव फेला परेको हो।

सोही ठाउँमा पहिरोले अर्को घर पुर्दा २ जना घाइते भएका छन्। स्थानीय ६५ वर्षीय गोठे बिक र उनकी ६५ वर्षीया पत्नीलाई घाइते अवसथामा उद्धार गरिएको प्रहरीले जानकारी दिएको छ।