अमेरिकामा हुने खेल ला लिगा कप्तानद्धारा बहिस्कार

अमेरिका- ला लिगा खेलाडी संगठन एएफइले अमेरिकामा हुने ला लिगा खेल योजना बहिस्कार गरेको छ। बिहिबार ला लिगा खेलाडीको संगठन एएफइको मुख्यालय मड्रिडमा बसेको ला लिगा कप्तानहरुको बैठकले यस्तो निर्णय गरेको हो। 

बैठकमा युएसमा हुने भनिएका ला लिगा खेलको चिन्ताका बिषयका छलफल भएको बताइएको छ। ला लिगाले गत शुक्रबार युएस मिडिया कम्पनीसँग १५ बर्षका लागि युएसमा खेल गर्न सम्झोता गरेको थियो।
 
स्पेनीस खेलाडी संघ एएफइका अनुसार यस सम्झौताका लागि खेलाडीसँग कुनै प्रकारको सल्लाह नभएको बताइएको छ। एएफइका अध्यक्ष डेविड अगान्जोसँग यस बिषयमा छफफल गर्नका लागि २० वटै ला लिगा टिमका कप्तान र प्रतितिनधीहरुको सहभागीता रहेको थियो। बैठाकमा रियल मड्रिडका कप्तान सर्जिओ रामोस, बार्सिलोनाका उप–कप्तान सर्जिओ बुस्केट, एट्लेटिको मड्रिड खेलाडी कोके लगायतको सहभागीता रहेको थियो।

एएफइका अध्यक्ष डेविडले समस्या सामान्य ज्ञानको कमी भएको बताएका छन्। उनले भने, ‘हामीले प्रबन्धकहरुसँग यसको बिषयमा मिलाउनु पर्ने देखिन्छ ।’ उनले थपे, ‘हामी त्यो बिषयका बारेमा कुरा गर्दै छौं। जसमा खेलाडीको सल्लाह बिना १५ बर्षको सम्झौता गरिएको छ।’ बैठक पछि लिगले ला लिगा स्पेन बाहिर खेल खेल्ने योजनाका लागि एएफइसँगै कुरा गर्ने बताएको छ।