महँगीविरुद्ध कुर्लिंदै एमाले

सरकारको खाद्यवस्तुलगायतमा उच्च मूल्यवृद्धि गर्दा जीवन कष्टकर भएको दाबीसहित विरोधमा उत्रिँदै एमाले।

नेपाल समय | सोमबार, साउन १६, २०७९

नेपाल समय

सोमबार, साउन १६, २०७९

काठमाडौं– सरकार महँगी नियन्त्रणमा आँखा चिम्लिएको भन्दै प्रमुख प्रतिपक्षी नेकपा एमालेले सोमबार विरोध प्रदर्शन गर्दै छ। सर्वोच्च अदालतको परमादेशपछि निर्माण भएको गठबन्धन सरकारको एक वर्षमा पनि खाद्यवस्तुलगायतमा उच्च मूल्यवृद्धि गर्दा जीवन कष्टकर भएको दाबी गर्दै एमालेले वसन्तपुरमा जनप्रदर्शन गर्न लागेको हो।

दिउँसो २ बजे विरोध प्रदर्शन सुरु हुने एमालेले जनाएको छ। वसन्तपुरबाट सुरु हुने र्‍यालीमा उपत्यका विशेष प्रदेश कमिटी, पार्टीका केन्द्रीय विभाग, सांसदहरू, उपत्यकामा पार्टीबाट निर्वाचित स्थानीय तहका जनप्रतिनिधि, सम्पर्क मञ्चलगायतको सहभागितामा विरोध प्रदर्शन गरिनेछ।

प्रकाशित: Aug 01, 2022| 12:20 सोमबार, साउन १६, २०७९