पहिलो टी–२० क्रिकेटमा भारतसँग वेस्ट इन्डिज पराजित

काठमाडौं- भारतले पहिलो टी-२० क्रिकेटमा घरेलु टोली वेस्ट इन्डिजलाई पराजित गरेको छ। गएराति तरौबाको ब्रायन लारा रङ्गशालामा भएको खेलमा भारतले वेस्ट इन्डिजलाई ६८ रनले पराजित गरेको हो।

भारतले दिएको १ सय ९१ रनको लक्ष्य पछ्याएको वेस्ट इन्डिजले २० ओभरमा ८ विकेट गुमाएर १ सय २२ रन मात्र बनाउन सक्यो।

भारतका रविचन्द्र आश्विन, रवि बिश्नोई र अर्शदिप सिंहले २/२ विकेट लिए। त्यसअघि पहिले ब्याटिङ गरेको भारतले २० ओभरमा ६ विकेट गुमाएर १ सय ९० रन जोडेको थियो।

भारतका कप्तान रोहित शर्माले ६४ रनको अर्धशतकीय पारी खेले। जितसँगै भारतले ५ खेलको श्रृङ्खलामा १–० को अग्रता बनाएको छ।