नग्‍न फोटो सुट गराएको भन्दै बलिउड अभिनेता रणवीर सिंहविरुद्ध उजुरी

काठमाडौं- नग्‍न फोटो सुट गराएको भन्दै बलिउड अभिनेता रणवीर सिंहविरुद्ध उजुरी परेको छ। नग्‍न फोटो खिच्नुले महिलाको शिष्टतालाई अपमान गरेको आरोपमा मुम्बईको चेम्बर पुलिस स्टेशनमा उजुरी परेको एएनआई न्युज एजेन्सीले जनाएको छ। 

रणवीरले पेपर म्यागजिनका लागि न्युड फोटो सुट गराएका थिए। जब उनको न्युड फोटोसुट इन्टरनेटमा आयो त्यसपछि सिंगो बलिउडमा आँधी ल्याएको छ। फेसनमा नयाँ नयाँ प्रयोग गर्न रूचाउने सिंहले यो पटक न्युड फोटो सुटका कारण विवादमा आएका छन्। 

यी तस्बिरले महिलाको संवेदनाको अपमान भएको भन्दै एक गैरसरकारी संस्थाले रणवीरविरुद्ध उजुरी नै दर्ता भएको छ। उजुरीकर्ताले ‘बाजीराव मस्तानी’ अभिनेतालाई भारतीय दण्ड संहिताअनुसार फोटोसुट गराएकाले प्रविधि ऐन अन्तर्गत मुद्दा चलाउनुपर्ने माग गरेका छन्।

इन्टरनेटमा सार्वजनिक भएको तस्बीरमा रणबीरले टर्किस कार्पेटमा नग्‍न आसनहरु दिएको देख्‍न सकिन्छ। ती तस्बिर रणवीरको आधिकारिक इन्स्टाग्राम ह्यान्डलबाट पनि सेयर गरिएको थियो। तर, उनका फ्यान र भारतीय फिल्म उद्योगकर्मीले रणवीरका यी तस्बिरलाई समर्थन गरेका छन्।