काठमाडौं- सोमबार राति कास्की र आसपासका क्षेत्रमा भारी वर्षा भएको छ। उक्त क्षेत्रमा मंगलबार बिहानसम्मै भारी वर्षा भएको जल तथा मौसम विज्ञान विभागले जनाएको छ।
विभागका अनुसार, घलेखर्क बर्षा मापन केन्द्र, कास्कि र आसपास भारी बर्षा मापन भएको छ।
विभागले घलेखर्क, पुरनचौर, भुर्जुङ खोला र आसपासको कमजोर भिरालो जमिनमा पहिरोको जोखिम हुन सक्ने भन्दै मंगलबार बिहानसम्म नै सतर्कता अपनाउन सोमवार राति सूचना जारी गरेको छ।
उक्त क्षेत्र भई बहने साना नदीमा आकस्मिक बहावसमेत हुन सक्ने विभागले बताएको छ। त्यसैले साना ठूला नदी क्षेत्रका वासिन्दालाई सतर्कता अपनाउन महाशाखाको आग्रह छ।