कन्टेनरले मोटरसाइकललाई ठक्कर दिँदा दुईजनाको मृत्यु

विराटनगर– मोरङको बूढीगंगा–२ गंगा चोकमा शुक्रबार बिहान दुर्घटना हुँदा दुई जनाको मृत्यु भएको छ।

को ३० प ९१०३ नम्बरको मोटरसाइकललाई एचआर ३८ एक्स २२१० नम्बरको खाली कन्टेनरले ठक्कर दिँदा मोटरसाइकल चालक मोरङको केराबारी गाउँपालिका–७ का करिब २७ वर्षीय हर्क परियार र पछाडि सवार २१ वर्षीय भीमबहादुर राईको मृत्यु भएको हो।

कन्टेनरले बिहान पौने ७ बजेतिर ठक्कर दिँदा मोटरसाइकलमा सवार दुई जनाको घटनास्थलमै मृत्यु भएको मोरङ ट्राफिक प्रमुख प्रहरी निरीक्षक राजकुमार कार्कीले बताए। घटनाको विरोधमा स्थानीयले सवारीसाधन सञ्चालनमा रोक लगाएर केहीबेर कोसी लोकमार्ग अवरुद्ध गरेका थिए। प्रहरीले अहिले अवरुद्ध सडक सञ्चालनमा आएको बताएको छ।