काठमाडौं- गभर्नर महाप्रसाद अधिकारीविरुद्ध काठमाडौंको बालुवाटारमा प्रदर्शन गरिएको छ। अधिकारीको राजीनामा माग्दै नेविसंघ र अखिल क्रान्तिकारीले संयुक्त रुपमा विरोध प्रदर्शन गरेका हुन्।
प्रदर्शनकारीमाथि प्रहरीले बल प्रयोग गरेको छ। प्रदर्शनकारीलाई प्रहरीले पक्राउ गरेको छ। धरपकडमा केही प्रदर्शनकारी घाइते भएका छन्।
गभर्नर अधिकारी नेकपा एमालेको अर्थ तथा योजना विभागका सदस्य भएको सार्वजनिक भएसँगै उनीविरुद्ध प्रदर्शन भइरहेको छ।