जिल्ला अदालत कैलालीमा दुई हजार बढी मुद्दा दर्ता, सम्बन्धविच्छेदका धेरै

धनगढी- जिल्ला अदालत कैलालीमा चालु आर्थिक वर्षमा पाँच सय ५० सम्बन्धविच्छेदका मुद्दा दर्ता भएका छन्। चालु आर्थिक वर्षमा दुई हजार ७५ मुद्दा दर्ता भएकोमा पाँच सय ५० सम्बन्धविच्छेदका मुद्दा दर्ता भएका हुन्।

दर्ता भएकामध्ये एक सय ६९ मुद्दा फछ्यौट भएका छन्। सोमध्ये तीन सय ८१ मुद्दा पछ्यौंट हुन बाँकी छन्। जिल्ला न्यायाधीश जयानन्द पनेरुले वैदेशिक रोजगार, लागूऔषध तथा मादकपदार्थ सेवनका कारण सम्बन्धविच्छेदका मुद्दाको संख्या कैलालीमा बढेको बताए। ‘वैदेशिक रोजगारी प्रमुख कारण देखिन्छ,’ जिल्ला न्यायाधीश जयानन्द पनेरुले भने, ‘मादकपदार्थ सेवनका कारण पनि सम्बन्धविच्छेद हुने गरेका छन।’

‘जिल्लामा एक सय २९ मुद्दा लागुऔषधका छन। लागूऔषधका ५४ मुद्दा मात्र फछ्यौंट भएको छन्,’ जिल्ला न्यायाधीश जयानन्द पनेरुले भने, ‘एक सय ७५ मुद्दा बाँकी छन्।’

 जिल्लामा जबरजस्तीकरणीका २ सय ५ मुद्दा दर्ता भएका छन्। सोमध्ये ७३ मात्र फछ्यौंट भएको जिल्ला न्यायाधीश जयानन्द पनेरुले बताए। न्यायाधीश पनेरुका अनुसार कर्तव्य ज्यानका २२ मुद्दामा १३ फछ्यौट, चेक अनादरका २ सय ९१ मुद्दामा एक सय ६१ फछ्यौंट, एक सय ४१ मुद्दामा बालबालिका संलग्न रहेकोमा ६३ मुद्दा फछ्यौट भएको न्यायाधीश पनेरुले बताए। 

जिल्ला अदालत कैलालीमा चालु आर्थिक वर्षमा दर्ता भएकामध्ये एक हजार ६ सय ६४ मुद्दाको फछ्यौंट भएको न्यायाधीश पनेरुले बताए। ‘एक हजार १३ मुद्दा सरेर आएका छन्, नयाँ दर्ता भएका नौं सय दुई मुद्दा मात्र फछ्यौंट भएका छन्', एक हजार एक सय ७३ मुद्दा छन्,’ न्यायाधीश पनेरुले भने, ‘लक्ष्य अनुसारको मुद्दा फछ्यौंट गर्न सकेका छैनौं, निर्वाचनका कारण केही ढिलो भएको हो।’