जुम्लामा पावर हाउस भासिँदा एकै परिवारका तीन जनाको मृत्यु

जुम्ला- जुम्लाको हिमा गाउँपालिका-१ आचार्यलिहीमा अवस्थित भित्री खोला जलविद्युत् आयोजनाको पावर हाउस भासिँदा एकै परिवारका तीन जनाको ज्यान गएको छ।

राति करिब साढे २ बजे आयोजनाको पावर हाउस भासिँदा तीन जनाको मृत्यु प्रहरीले जनाएको छ।

ज्यान गुमाउनेमा ३० वर्षीय विमला रावत र उनका दुई छोरा ९ वर्षीय भरत र ८ वर्षीय सूर्य रावत रहेका छन्। हाउसका चौकीदार गोरक बहादुर रावतका श्रीमती र दुईवटा छोराको घटनास्थलमै मृत्यु भएको हो। 

प्रहरी चौकी बड्किले राति राति बत्ती किन गयो भनेर हेर्न जाँदा घर भासिएको पाइएको जनाएको छ।

तीनै जनाको आयोजनाको पावर हाउसभित्र सुतिरहेका अवस्थामा ज्यान गएको प्रहरीको भनाइ छ। प्रहरी चौकी बड्किका रामप्रसाद चौलागाईं कमान्डको टोली राति नै  घटनास्थलमा घटिएको थियो। मृतकको शव पोष्टमार्टमका लागि कर्णाली स्वास्थ्य विज्ञान प्रतिष्ठानमा ल्याइने भएको छ।