मानवअधिकार एलायन्सद्वारा महिला हिंसा र भ्रष्टाचारबारे सरकारको ध्यानाकर्षण

बुटवल- मानवअधिकार एलायन्स रुपन्देहीले  लुम्बिनी प्रदेश सरकारलाई ध्यानाकर्षण गराएको छ। रुपन्देहीमा बढ्दै गएका महिला हिंसा, विभिन्‍न क्षेत्रमा भएका भ्रष्टाचार तथा अनियमिततालगायतका विषयमा  बुधबार प्रदेश सरकारका प्रमुख सचिव डिल्लीराज शर्मालाई एलायन्सको तर्फबाट ११ बुँदे ध्यानाकर्षण पत्र बुझाइएको  हो। मन्चका केन्द्रीय उपाध्यक्ष सुमित्रा शर्मासहितका रुपन्देहीमा क्रियाशील दुई दर्जन संस्थाका प्रतिनिधिहरुले हस्ताक्षर गरेको  जिल्ला अध्यक्ष दामोदर घिमिरेले जानकारी दिए। 

ज्ञापनपत्रमा संक्रमणकालीन न्याय, महिला तथा बालबालिकाविरुद्ध बढ्दै गएको हत्याहिंसा, विभिन्न क्षेत्रमा बढ्दै गएको बेथिति, स्वास्थ्य तथा सामाजिक सुरक्षा र शिक्षाका विषयमा सरकारको ध्यानाकर्षण गराइएको अध्यक्ष घिमिरेले जानकारी दिए।

मुख्यसचिव शर्मालाई ज्ञापनपत्र बुझाउँदै एलायन्सका उपाध्यक्ष शर्माले मानवअधिकारका विषयमा सरकारले गम्भीर चासो दिनुपर्ने अवस्था आएको बताइन। उनले सबै सरोकारवाला संस्थाको आवाजलाई सम्बोधन गर्न सरकारको ध्यानाकर्षण गराएको बताइन्।