प्रतिपक्षीका बेन्च खाली भएपछि सुदूरपश्चिम प्रदेशसभाको बैठक स्थगित

काठमाडौं– प्रतिपक्षी दलका बेन्चहरू खाली भएपछि सुदूरपश्चिम प्रदेशसभाको बैठक बैठक स्थगित भएको छ। प्रदेश सरकारले बजेट प्रस्तुत गरेदेखि नै त्यहाँ बैठक बस्न सकिरहेको छैन।

आज सोमबारको बैठकमा बजेटमाथिको छलफल सुरु गर्ने कार्यसूची थियो। तर बैठकमा प्रतिपक्षी सांसदहरु एक जना पनि बैठकमा उपस्थित भएनन्। बजेटप्रति प्रतिपक्षी दल मात्रै नभई सत्तारुढ दलकै सांसदहरुको पनि चर्को विरोध छ।

सोमबारको बैठक पाँचौं पटक लगातार स्थगित भएको हो। प्रतिपक्षी बेन्चमा एकजना पनि सांसद उपस्थित नभएपछि सभामुख अर्जुनबहादुर थापाले बैठक स्थगित गरेका हुन्। सुदूरपश्चिम प्रदेशसभामा प्रमुख प्रतिपक्षी नेकपा एमालेका १०, जसपा र राजपाका एक–एक जना सांसद छन्। बैठकमा सत्तारुढ दलकै सांसदहरुको पनि न्यून उपस्थिति थियो।