मधेश प्रदेशको बजेट सर्वसम्मतले पारित

काठमाडौं- मधेश प्रदेश आर्थिक वर्ष २०७९-०८० को बजेट सर्वसम्मतले पारित भएको छ। आइतबार बसेको प्रदेशसभा बैठकबाट आगामी आर्थिक वर्षको बजेट सर्वसम्मतले पारित भएको हो।

प्रदेशसभाको बैठकमा अर्थमन्त्री शैलेन्द्रप्रसाद साहले पेस गरेको आर्थिक विधेयक, २०७९ र कर तथा गैरकर राजश्व लगाउने तथा उठाउने सम्बन्धमा व्यवस्था गर्न बनेको विधेयक सर्वसम्मतले पारित भएपछि बजेट पारित भएको हो। 

यसअघि शनिबार प्रदेशसभाबाट विनियोजन विधेयक पारित भएको थियो। यही असार १ गते मधेश प्रदेशका अर्थमन्त्री साहले आर्थिक वर्ष २०७९/०८० का लागि ४६ अर्ब ८८ करोड ९ लाख ४६ हजारको बजेट प्रस्तुत गरेको छ। बजेट पारित भएपछि प्रदेशको प्रदेशसभा बैठक अनिश्चितकालका लागि स्थगित भएको हो।