विराटनगर- भारतीय नागरिकको हत्यामा संलग्न थप एक जनालाई झापा प्रहरीले पक्राउ गरेको छ।
सुन्दरहरैंचा नगरपालिका-६ का २० वर्षीय शैलेश सापकोटालाई प्रहरीले नियन्त्रणमा लिएको हो।
झापाका प्रहरी प्रमुख प्रहरी उपरीक्षक विश्वमणि पोख्रेलका अनुसार सापकोटाले जानुका सुवेदी थापासँग एक लाख रुपैयाँ सुपारी लिएर भारतीय नागरिक जपडिया नरेशकुमार बाबुको हत्यामा संलग्न भएका थिए। सापकोटा जानुकाका फुपूका छोरा हुन्।
सापकोटालाई भारतको सिक्किमबाट पक्राउ गरिएको हो।