गोली प्रहारबाट घाइते जापानका पूर्वप्रधानमन्त्री आबेको निधन

गोली प्रहारपछि गम्भीर घाइते भएका जापानका पूर्व प्रधानमन्त्री सिन्जो आबेको निधन भएको छ।

नेपाल समय | शुक्रबार, असार २४, २०७९

नेपाल समय

शुक्रबार, असार २४, २०७९

गोली प्रहारबाट घाइते जापानका पूर्वप्रधानमन्त्री आबेको निधन

काठमाडौं– गोली प्रहारपछि गम्भीर घाइते भएका जापानका पूर्व प्रधानमन्त्री सिन्जो आबेको निधन भएको छ। जापानी सञ्चारमाध्यम एनएचकेले आबेको निधन भएको पुष्टि गरेको छ।

नारा सहरमा भाषण गर्दै गर्दा उनीमाथि आज बिहान गोली प्रहार भएको थियो। छातीमा गोली लागेका उनलाई तत्काल एम्बुलेन्समा हालेर अस्पताल लगिएको थियो। अस्पताल पुर्‍याउँदासम्म बोलिरहेका उनी त्यसपछि गम्भीर हुँदै गएका थिए।

नारा सहरमा पुनः हुन लागेको निर्वाचनका लागि प्रचारप्रसारका क्रममा भाषण गरिरहेका थिए आबे। आबेलाई गोली हान्ने ४२ वर्षीय तेत्सुया यामागामीलाई प्रहरीले नियन्त्रणमा लिइसकेको छ।

६७ वर्षका आबेले सन् २००६ देखि २००७ र सन् २०१२ देखि २०२० सम्ममा दुई पटक प्रधानमन्त्रीको कार्यकाल सम्हालेका थिए।

प्रकाशित: Jul 08, 2022| 14:46 शुक्रबार, असार २४, २०७९