राउटे युवतीमाथि यौन दुर्व्यवहार गर्नेलाई सात वर्ष कैद र दुई लाख जरिवानाको फैसला
काठमाडौं– राउटे समुदायका दुई युवतीमाथि यौन दुर्व्यवहार गर्ने दुई जनालाई जिल्ला अदालत सुर्खेतले सात वर्षको कैद सजाय सुनाएको छ।
कैदका साथै जनही दुई लाख रुपैयाँ जरिवाना तिराउन पनि अदालतले आदेश दिएको छ। त्यसैगरी दुर्व्यवहार भएको होटलका सञ्चालकलाई पनि साढे ३ वर्ष कैद र एक लाख रुपैयाँ जरिवानाको फैसला सुनाइएको छ।
जिल्ला न्यायाधीश डा. राजेन्द्रप्रसाद आचार्यको इजलासले राउटे युवतीमाथि यौन दुर्व्यवहार गर्ने चौमन घर्ती मगर र भूपेन्द्र बुढा मगरलाई सात–सात वर्ष कैद र २–२ लाख रुपैयाँ जरिवाना तथा होटल सञ्चालक मनबहादुर पुनलाई साढे ३ वर्ष कैद र एक लाख रुपैयाँ जरिवानाको फैसला गरेको हो।
आरोपितहरु सबै ०७८ असार १६ गतेदेखि पुर्पक्षका लागि थुनामा छन्। मनबहादुरले सञ्चालन गरेको सुर्खेत बोटेचौरस्थित शुभकामना होटलमा ०७८ जेठ २१ गते राति राउटे युवतीमाथि यौन दुर्व्यवहार भएको थियो।
दुई जना राउटे युवतीलाई मदिरा खुवाएर यौनहिंसा गरेको भिडियो सार्वजनिक भएको थियो।
कोसी प्रदेशमा आज सार्वजनिक बिदा
प्रदेश १ को नाम कोशी राख्न एमालेद्वारा प्रस्ताव दर्ता
प्रदेश १ ले आज नाम पाउँदै, कोशी हुने सम्भावना
बागमतीबाट पनि बाहिरियो राप्रपा
म्याग्दीका असला: पारखीलाई पुर्याउनै मुस्किल
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com