खोटाङको रावाबेँसीमा जनप्रतिनिधि मृत फेला

खोटाङको रावाबेँसी गाउँपालिका–३ मा जनप्रतिनिधि मृत फेला परेकी छन्। गाउँपालिकाकी दलित महिला सदस्य ३० वर्षीया मेनुजा विश्वकर्मा मृत फेला परेकी हुन्।

नेपाल समय | बिहीबार, असार २३, २०७९

नेपाल समय

बिहीबार, असार २३, २०७९

खोटाङको रावाबेँसीमा जनप्रतिनिधि मृत फेला

काठमाडौं– खोटाङको रावाबेँसी गाउँपालिका–३ मा जनप्रतिनिधि मृत फेला परेकी छन्। गाउँपालिकाकी दलित महिला सदस्य ३० वर्षीया मेनुजा विश्वकर्मा मृत फेला परेकी हुन्।

गत ३० वैशाखमा सम्पन्न स्थानीय तहको निर्वाचनमा नेपाली कांग्रेसका तर्फबाट वडा नम्बर ३ को दलित महिला सदस्यमा निर्वाचित विश्वकर्मा आज (बिहीबार) बिहान मृत फेला परेकी हुन्।

माइतीतर्फका हजुरबुवाको मृत्यु भएपछि मंगलबार माइतीघर पुगेकी उनी झुण्डिएको अवस्थामा फेला परेको गाउँपालिका प्रमुख फटिककुमार श्रेष्ठले बताए। स्नातक तह उत्तीर्ण गरेकी उनी गाउँ कार्यपालिका सदस्यमा पनि विजयी भएकी थिइन्। उनी नेपाली कांग्रेस लामीडाँडाको वडा सभापतिसमेत हुन्।

उनका श्रीमान् भने वैदेशिक रोजगारीका सिलसिलामा दुबईमा रहेको बताइएको छ। मृतकको शव परीक्षणका लागि जिल्ला अस्पताल खोटाङ लगिएको छ। घटनाका विषयमा अनुसन्धान भइरहेको जिल्ला प्रहरी कार्यालयले जनाएको छ।

प्रकाशित: Jul 07, 2022| 16:57 बिहीबार, असार २३, २०७९