धारिलो हतियारसहित नगरपालिका प्रवेश गरेका तीन जना पक्राउ
धनगढी- कैलालीको घोडाघोडी नगरपालिकाको कार्यालयमा धारिलो हतियारसहित प्रवेश गरेका तीन जनालाई प्रहरीले पक्राउ गरेको छ।
पक्राउ पर्नेमा घोडाघोडी नगरपालिका-२, साँडेपानीका ३६ वर्षीय वीरबहादुर बोहरा, २८ वर्षीय भूपेन्द्र रावल र २६ वर्षीय रामप्रसाद चौलागाईं रहेको प्रहरीले जनाएको छ।
नगरपालिकाको वडा नम्बर २ मा रहेको रिफ्रेस सेन्टर निर्माणको बजेट निकासाको विवाद भइरहेको समयमा उनीहरू नगरपालिकाको कार्यालयभित्र धारिलो हतियारसहित प्रवेश गरेपछि पक्राउ गरिएको जिल्ला प्रहरी कार्यालय कैलालीका प्रहरी नायव उपरीक्षक वेदप्रकाश जोशीले बताए। उनीहरूलाई इलाका प्रहरी कार्यालय सुखडको प्रहरी टोलीले पक्राउ गरेको प्रहरी नायव उपरीक्षक वेदप्रकाश जोशीले बताए।
इलाका प्रहरी कार्यालय सुखडका प्रहरी नायव उपरीक्षक लक्ष्मण शाहीले एक जनालाई कार्यालयबाट र दुई जनालाई भाग्दै गरेको अवस्थामा पक्राउ गरेको बताए। उनीहरूले कर्मचारीलाई धम्की दिएको शाहीले बताए। उनीहरूलाई सार्वजनिक अपराधमा मुद्दा चलाइने उनले बताए।
कोसी प्रदेशमा आज सार्वजनिक बिदा
प्रदेश १ को नाम कोशी राख्न एमालेद्वारा प्रस्ताव दर्ता
प्रदेश १ ले आज नाम पाउँदै, कोशी हुने सम्भावना
बागमतीबाट पनि बाहिरियो राप्रपा
म्याग्दीका असला: पारखीलाई पुर्याउनै मुस्किल
सम्पर्क
फोन : +977-1-4790040/+977-1-4790242
इमेल : nepalsamayanews@gmail.com