मोरङको रतुवामाईमा खाल्डोभित्र युवतीको शव फेला

विराटनगर– मोरङको रतुवामाई–२ डोरियामा पानी जमेको खाल्डोभित्र एक युवतीको शव भेटिएको छ। करिब २५ वर्षीया युवतीको शव फेला परेको प्रहरीले जनाएको छ। 

मृतकको पहिचान खुलेको छैन। स्थानीयले शव देखेपछि सोमबार बिहानै प्रहरीलाई खबर गरेका थिए। शव पोस्टमार्टमका लागि रंगेली अस्पताल ल्याइएको छ। 

मोरङ प्रहरीका प्रवक्ता डिएसपी दीपक श्रेष्ठले घटनाका बारेमा अनुसन्धान थालिएको जानकारी दिएका छन्। शवको पहिचान नभएकाले आफन्तको खोजी गर्दै मृतकको पहिचानको प्रयास भइरहेको प्रहरीले जनाएको छ।