महोत्तरी- वैशाख ३० मा भएको स्थानीय चुनावमा अन्तर्घात गरेको भन्दै जनता समाजवादी पार्टी (जसपा)ले महोत्तरीका प्रदेश सांसद कौशल कुमार यादवलाई पार्टीबाट निष्काशन गर्ने निर्णय गरेको छ। पार्टीको साधारण सदस्यसमेत नरहने गरी सांसद यादवलाई पार्टीबाट निष्काशन गर्ने निर्णय जसपा जिल्ला समितिले गरेको हो।
आइतबार बसेको जसपा महोत्तरी जिल्ला कार्यसम्पादन समिति बैठकले उनलाई पार्टीको साधारण सदस्य समेत नरहने गरी निष्काशन गरेको जिल्ला अध्यक्ष रामप्रकाश यादवले जानकारी दिएका छन्। यादवसँगै संघीय शिक्षक फोरमका अध्यक्ष कौशल कुमार यादव पार्टीबाट निष्काशन गर्ने निर्णय जसपाले गरेको छ।
कारबाहीमा परेका यादव महोत्तरी क्षेत्र नं ४ (ख) बाट प्रत्यक्ष निर्वाचित सांसद हुन्। उनी २०६४ को संविधानसभा सदस्य समेत हुन्।