राष्ट्रव्यापी फुल कन्ट्याक्ट कराँते सुरु

काठमाडौं- मदन भण्डारी स्पोर्ट्स एकेडेमीअन्तर्गत केन्द्रीय फुल कन्ट्याक्ट विभागको आयोजनामा राष्ट्रव्यापी खेलकुदअन्तर्गत राष्ट्रव्यापी फुल कन्ट्याक्ट कराँते प्रतियोगिता शुक्रबारदेखि त्रिपुरेश्वरस्थित राष्ट्रिय खेलकुद परिषद् (राखेप)को कभर्डहलमा सुरु भएको छ।

प्रतियोगिताको राखेपका सदस्य-सचिव टंकलाल घिसिङले एक कार्यक्रमकाबीच उद्घाटन गरे। सो अवसरमा एकेडेमीका अध्यक्ष ध्रुव आचार्यलगायतको उपस्थिति थियो। 

प्रतियोगितामा १५० खेलाडीको सहभागिता रहेको प्रतियोगिता संयोजक सन्जु महर्जनले जनाएकी छन्। ७१ औं मदन जयन्तीका अवसरमा हुन लागेको प्रतियोगितामा पुरुषमा २ र महिलामा १ गरी ३ स्पर्धामा भिडन्त भइरहेको छ। 

पुरुष-महिला खुला र पुरुष ५५ केजीमुनि खेल भइरहेको छ। प्रत्येक तौलसमूहमा प्रिक्वाटरफाइनल खेल सम्पन्‍न भयो।  खुलाका विजेताले जनही ५० हजार र बाँकी १ तौलसमूहमा पहिलो हुनेले २५ हजार नगद पुरस्कार पाउने छन्।