काठमाडौं– शुक्रबार देशभर कोरोना भाइरसका ५० जना संक्रमित थपिएका छन्। पछिल्लो २४ घण्टामा भएको पीसीआर र एन्टिजेन परीक्षणबाट सो संख्यामा संक्रमण पुष्टि भएको हो।
२ हजार ८१४ जनाको पीसीआर गर्दा ३५ जना र १३ सय ४७ जनाको एन्टिजेन परीक्षण गर्दा १५ जनामा संक्रमण पुष्टि भएको हो। सोही अवधिमा १८ जना संक्रमित संक्रमणमुक्त भएका छन् भने १ लाख ७८ हजार ७८३ जनाले कोभिड विरुद्धको खोप लगाएका छन्। आजको दिनमा सक्रिय संक्रमितको संख्या २९७ छ।