महिला भलिवलमा पुलिस फाइनल प्रवेश

काठकाडौं- नेपाल पुलिस क्लब बागमती प्रदेश न्यू डायमन्ड कप खुल्ला महिला राष्ट्रिय भलिबल प्रतियोगिताको फाइनलमा प्रवेश गरेको छ। कीर्तिपुरस्थित मल्टी प्रजोज कभर्डहलमा आज भएको खेलमा विभागीय टोली एपीएफ क्लबलाई ३-१ को सेटमा पराजित गर्दै पुलिस फाइनल प्रवेश गरेको हो। 

पुलिस अंक तालिकाको शीर्ष स्थानमा समेत पुगेको छ। आजको खेलमा पुलिसले एपीएफलाई २५-१८, १४-२५, २५-१७ र २५-२० को सेटमा पराजित गरेको हो। 

शनिबार हुने फाइनलमा पुलिस र एपीएफबीच प्रतिस्पर्धा हुने भएको छ। अंक तालिकाका आधारमा यी दुई क्लब नै शीर्ष स्थानमा छन्। 

यस्तै आजको अर्को खेलमा न्यु डायमन्डले स्पोर्टस् क्लबले परोपकार आदर्श माविमाथि ३-० को सेटमा पराजित गर्‍यो। न्यु डायमन्डले २५-२२, २५-१० र २५-१४ को सेटमा जित निकालेको हो। 

शनिबार नै तेस्रो स्थानको लागि आयोजक न्यु डायमन्ड स्पोर्ट्स क्लब र परोपकार आदर्श माविबीच प्रतिस्पर्धा हुनेछ।