इन्टर मिलानमै फर्किए लुकाकु, रिचार्लिसन टोटेनहममा

काठमाडौं- इङ्ग्लिस क्लब चेल्सिका बेल्जियन फर्वाड रोमेरो लुकाकु आफ्नै पुरानो क्लब इन्टर मिलान फर्किएका छन्। लुकाकुलाई इङ्‌ग्लिस क्लब चेल्सीबाट एक सिजनका लागि लोनमा अनुबन्ध गरेको हो।

लुकाकु गत वर्ष इन्टर मिलानबाट क्लबको कीर्तिमानी ९७.५ मिलियन युरोमा चेल्सीमा अनुबन्धित भएका थिए। एक सिजन चेल्सीमा बिताएका लुकाकुले गत सिजन चेल्सीका लागि कुल १५ गोल गरेका थिए। 

त्यस्तै ब्राजिलियन फर्वाड रिचार्लिसन टोटेनहमसंग अनुबन्ध नजिक पुगेका छन्। उनी एभर्टनबाट ५० मिलियन युरोमा सम्झौता भइसकेको अन्तर्राष्ट्रिय सञ्चार माध्यमले जनाएको छ।

२५ वर्षीय उनी २०१८ मा वाट्फोर्डबाट एभर्टन आएका थिए। एभर्टनका लागि उनले १ सय ५२ खेलमा ५३ गोल गरिसकेका छन्। चल्सीले पनि रिचार्लिसनलाई भित्राउनको लागि प्रयास गरिरहेको थियो तर उनी टोटेनहमसँग अनुबन्ध नजिक पुगेका छन्।