भक्तपुरको प्राथमिकतामा शिक्षा र संस्कृति [बजेटको पूर्णपाठसहित]

काठमाडौं– भक्तपुर नगरपालिकाले आगामी आर्थिक वर्ष २०७९–०८० का लागि दुई अर्ब १८ करोड रुपैयाँको बजेट ल्याएको छ। शुक्रबार नगरसभामा नगर प्रमुख सुनिल प्रजापतिले बजेट पेश गरेका हुन्।

नगरपालिकाले शिक्षा र संस्कृतिलाई प्राथमिकता दिँदै ती क्षेत्रका लागि ४२ करोड ४४ लाख ८ हजार रुपैयाँ (१९.४३) प्रतिशत बजेट विनियोजन गरेको छ।

नगरपालिकाद्वारा सञ्चालित ख्वप अस्पतालका लागि अनुदानबापत ८ करोड, वडा–वडामा प्राथमिक स्वास्थ्य उपचार केन्द्र निर्माणका लागि २ करोड ८३ लाख २० हजार विनियोजन गरिएको छ। नगरपालिकाभित्रका सम्पदा संरक्षणमा ९ करोड विनियोजन गरिएको छ।

भौतिक पूवार्धार निर्माणका लागि ३९ करोड ४८ लाख विनियोजन गरिएको छ। फोहरमैला व्यवस्थापन तथा वातावरण सुधार क्षेत्रमा १३ करोड ५० लाख विनियोजन गरिएको छ।

महिला, बालबालिका, ज्येष्ठ नागरिक तथा समाज कल्याण क्षेत्रमा ५१ करोड ६८ लाख रुपैयाँ विनियोजन गरिएको छ। युवा तथा खेलकुद क्षेत्रमा ६ करोड १ लाख ९९ हजार विनियोजन गरिएको छ भने कृषि  एवम् बीउबिजनका लागि २ करोड ७ लाख छुट्याइएको छ।