इन्धनमा मूल्यवृद्धिविरुद्ध सडक अवरुद्ध

पेट्रोलियम पदार्थमा गरिएको मूल्यवृद्धिको विरोधमा यातायात व्यवसायीले कोशी लोकमार्ग अवरुद्ध पारेका छन् ।

नेपाल समय | सोमबार, असार ६, २०७९

नेपाल समय

सोमबार, असार ६, २०७९

विराटनगर– पेट्रोलियम पदार्थमा गरिएको मूल्यवृद्धिको विरोधमा यातायात व्यवसायीले कोशी लोकमार्ग अवरुद्ध पारेका छन् ।

मूल्यवृद्धिको विरोधमा कोशी लोकमार्ग अन्तर्गत विराटनगर महानगरपालिका–३ तथा ४ को राजवंशी चोक र दूध फारमनजिक सवारीसाधन तेर्स्याएर यातायात व्यवसायीले सडकमा अवरोध गरेका हुन्।

सार्वजनिक सवारीका सञ्चालकले दुवै तर्फको सडकमा चक्काजाम गरेर सवारीसाधन सञ्चालनमा अवरोध गरेको प्रहरीले जनाएको छ। यातायात व्यवसायीले सरकारले गरेको मूल्यवृद्धि तत्काल फिर्ता हुनुपर्ने माग राखेका छन्। इन्धनमा मूल्यवृद्धि हुँदा सवारीका साधन सञ्चालन गर्न सक्ने अवस्था नभएको उनीहरुको भनाइ छ।

यता विराटनगर बजार क्षेत्रमा अटो चालकहरुले प्रदर्शन गरेका छन्। अटो सहित प्रदर्शनमा उत्रिएका उनीहरुले नगरको विभिन्न भागको परिक्रमा गरेका थिए। मूल्य वृद्धि गर्ने नेपाल आयल निगम र सरकार विरुद्ध अटो चालकहरुले चर्को नारावाजी गरेका थिए।

प्रकाशित: Jun 20, 2022| 13:13 सोमबार, असार ६, २०७९