चितवन- काठमाडौंबाट धनगढीका लागि हिँडेको ना६ख ७४६३ नम्बर बसका सहचालक गएराति चितवन नारायणगढ-मुग्लिन सडक खण्डमा चिप्लिएर खोलामा बेपत्ता भएका छन्।
कैलाली गोदावरीका ३५ वर्षीय सहचालक तेजबहादुर बोहरा राति दुई बजे बसबाट झरेर खाजाका लागि चाउचाउ किन्न गएका बेला चिप्लिएर खोलामा बेपत्ता भएको चितवन प्रहरीले जनाएको छ।
उनी खहरे खोलामा खसेको प्रहरीको भनाइ छ। बोहराको चप्पल केही तल फेला परेको चितवन जिल्ला प्रहरी कार्यालयका प्रवक्ता डीएसपी नरहरि अधिकारीले बताए। प्रहरीले बोहराको खोजिकार्य थालेको जनाएको छ।