काठमाडौं- काठमाडौं महानगरपालिका ३१ नगेन्द्रकान्छा चोकस्थित डेराबाट यही असार १ गते हराएका बालक भारतको पटनामा फेला परेका छन्।
बेपत्ता भएको दिन बिहान साढे ६ बजे क्रिकेट खेल्न भनी निस्किएका १४ वर्षीय नवीन रुवाली भारतको पटनामा फेला परेको प्रहरीले जनाएको छ। उनलाई पटनाको रेल्वे स्टेशनबाट उद्धार गरिएको प्रहरीको भनाइ छ।
भाइ नफर्केपछि दाइ भरत रुवाली सार्कीले असार २ गते प्रहरी वृत्त नयाँबानेश्वरमा हुलियासहित निवेदन दिएका थिए।
त्यसपछि खोजतलास गर्ने क्रममा बालक भारतको पटना पुगेको जानकारी आएको र भारतीय प्रहरी अधिकृतको समन्वय र सहयोगमा पटना रेल्वे स्टेशनबाट उद्धारगरी दाजु भरत रुवाली सार्कीलाई जिम्मा लगाइएको प्रहरीले जनाएको छ।