म्याग्दीको जंगलमा बम विस्फोट

म्याग्दी- म्याग्दीको सदरमुकाम बेनीबाट तीन किलोमिटर टाढा रहेको रत्नेश्वर जंगलमा प्रेसर कुकर बम विस्फोट भएको छ। सोमबार दिउँसो भएको विस्फोटमा कुनै मानविय क्षति नभएको प्रहरीले जनाएको छ। 

विस्फोटमा संलग्नको खोजी कार्य भइरहेको म्याग्दीका प्रहरी नायब उपरीक्षक विर बहादुर बुढामगरले जानकारी दिए।

उनले भने, 'विस्फोट कसले गराएको भन्ने कुनै प्रमाण भेटिएको छैन। तर, आज नेत्र विक्रम चन्द विप्लव समूहको बन्द र विभिन्न ठाउँमा विप्लवले बम विस्फोट गराइरहेकोले विप्लव समूहकै संलग्नता रहेको हुनसक्छ।'