'अर्थमन्त्रीको कुरा नसुन्ने' भन्दै संसद् बैठकबाट बाहिरिए एमाले सांसद

प्रमुख प्रतिपक्षी दल नेकपा एमालेका सांसदहरु प्रतिनिधिसभाको बैठक बहिष्कार गरेर हिँडेका छन्।

नेपाल समय | बिहीबार, असार २, २०७९

नेपाल समय

बिहीबार, असार २, २०७९

फाइल तस्बिर

काठमाडौं– प्रमुख प्रतिपक्षी दल नेकपा एमालेका सांसदहरु प्रतिनिधिसभाको बैठक बहिष्कार गरेर हिँडेका छन्।

अर्थमन्त्री जनार्दन शर्माले बजेट छलफलमा उठेका विषयमा जवाफ दिइरहँदा उठेर अवरोध गरेका सांसदहरु त्यसपछि हलाबाट निस्किएका हुन्।

अर्थमन्त्रीले बजेट बनाउँदा अनधिकृत व्यक्तिलाई संलग्न गराएको भन्दै कि मन्त्रीले राजीनामा दिनुपर्ने कि संसदीय छानबिन समिति गठन गर्नुपर्ने माग एमालेको छ।

आफ्नो मागको बेवास्ता गर्दै सभामुखले अर्थमन्त्री शर्मालाई विनियोजन बजेटमाथि उठेका प्रश्नमा जवाफ दिन समय दिएका थिए।

अर्थमन्त्री बोलेपछि एमालेका प्रमुख सचेतक विशाल भट्टराईले बोले र शर्माको जवाफ सुन्न लायक नभएको भन्दै संसद् बहिस्कार गर्ने बताए। लगत्तै एमाले सांसदहरु संसदबाट बाहिरिएका हुन्।

प्रकाशित: Jun 16, 2022| 14:01 बिहीबार, असार २, २०७९