ओखलढुंगा- चम्पादेवी गाउँपालिका-७ फूलबारीमा जंगली च्याउ खाँदा मंगलबार एकै परिवारका दुई जनाको मृत्यु भएको छ।
अन्य दुई जनाको अवस्था गम्भीर छ। मृत्यु हुनेमा ९३ वर्षीया मनमाया विष्ट र २४ वर्षीया ढककुमारी लामिछाने रहेका छन्। प्रहरीका अनुसार ढककुमारीको ओखलढुंगा सामुदायिक अस्पताल मिसनमा उपचारका क्रममा मृत्यु भएको हो।
गम्भीर रहेका थप तीन जना ढककुमारीका श्रीमान् २७ वर्षीय राजन विष्ट, हजुरआमा मनमाया विष्ट र ढककुमारीकी तीन वर्षीया छोरी सरिस्मा विष्टलाई थप उपचारका लागि नेपाली सेनाको हेलिकप्टरबाट शिक्षण अस्पताल काठमाडौं लगिएको थियो। मनमायाको शिक्षण अस्पतालमा उपचारकै क्रममा ज्यान गएको प्रहरीले जनाएको छ।