काठमाडौं- गृह मन्त्रालयले नौ जना सशस्त्र प्रहरी उपरीक्षकलाई सशस्त्र प्रहरी वरिष्ठ उपरीक्षक पदमा बढुवा सिफारिस गरेको छ। बढुवा समितिको यही जेठ ३० गतेको निर्णयअनुसार उनीहरूलाई बढुवाका लागि सिफारिस गरिएको हो।
सशस्त्र प्रहरी वरिष्ठ उपरीक्षक पदमा बढुवा सिफारिस हुनेमा दीपेन्द्र शाह, सुरेशकुमार श्रेष्ठ, पुरुषोत्तम थापा, अन्जनीकुमार पोख्रेल, दीपक अधिकारी, कृष्ण ढकाल, मनिष थापा, विनोदराज श्रेष्ठ र प्रकाश थापा छन्। हाल कामु एसएसपीको रुपमा काम गर्दै आइरहेका उनीहरूलाई एसएसपी बनाउन लागिएको हो।
बढुवा सिफारिसउपर चित्त नबुझे सात दिनभित्र बढुवाउपरको उजुरी सुन्ने समितिमा उजुरी दिनसक्ने बढु्वा समितिको सचिवालयले जनाएको छ।