प्रकाण्डलाई ४८ घन्टाभित्र अदालतमा उपस्थित गराउन सर्वोच्चको आदेश 

काठमाडौं- सर्वोच्च अदालतले नेपाल कम्यूनिस्ट पार्टी माओवादी विप्लव समुहका नेता खड्ग बहादुर विश्वकर्मा प्रकाण्डलाई बाटोको म्याद बाहेक ४८ घन्टा भित्र सर्वोच्च अदालतमा उपस्थित गराउ आदेश दिएको छ। 

अवैध रुपमा चन्दा उठाएको अभियोगम पक्राउ गरी गैरकानुनी रुपमा हिरासतमा राखिएको भन्दै प्रकाण्डका छोरा नरेन्द्र बहादुर सिंह विकले आइतबार बन्दी प्रत्यक्षीकरण रिट हालेका थिए।

बन्दी प्रत्यक्षीकरण रिटमाथि सुनुवाई गर्दै कायम मुकायम प्रधानन्यायाधीस ओम प्रकाश मिश्रको एकल इजलासले सरकारको नाममा थुनामा राख्नुको लिखित कारण सहित बाटोको म्याद बाहेक ४८ घन्टा भित्र सर्वोच्च अदालतमा पेस गर्न आदेश दिएको छ।

विप्लव समुहका प्रवक्ता समेत रहेका प्रकाण्डविरुद्ध गैरकानुनी रुपमा ७ करोड भन्दा बढि चन्दा उठाएको भन्दै गत मंगलबार दक्षिणकाली नगरपालीका को चाल्नाखेलबाट पक्राउ गरिप्रहरी हिरासतमा राखिएको छ।