रियलमा युवा मिडफिल्डर छुवामेनी अनुबन्ध

काठमाडौं- रियल मड्रिडले फ्रेन्च क्लब मोनाकोका डिफेन्सिभ मिडफिल्डर ओगेलिया छुवामेनीलाई एक सय मिलियन युरोमा अनुबन्ध गरेको छ। अनुबन्धन भएसँगै उनी पाँच वर्षका लागि रियलमा रहने छन्।

युरोपेली च्याम्पियन रियलले २२ वर्षका युवा मिडफिल्डरलाई भित्र्याएको हो।

लिभरपुल र पिएसजीले पनि उनीमाथि अनुबन्धको प्रयास गरेका थिए। तर, उनले रियल मड्रिडमा नै विशेष चासो राखेपछि स्पेनिस क्लबमा आएका हुन्। 

रियल मड्रिडले यसअघि फ्रान्सकै मिडफिल्डर कामाभिंगालाई पनि भित्र्याइसकेको छ। त्यस्तै रियलले जर्मन डिफेन्डर टोनी रुडिगरलाई पनि क्लबमा अनुबन्धन गरिसकेको छ।