रुपन्देही- गुल्मीमा घाँस काट्ने क्रममा रूखबाट लडेर एक जनाको मृत्यु भएको छ। ज्यान गुमाउनेमा पत्रकार रहेको प्रहरीले जनाएको छ।
धुर्कोट गाउँपालिका-४ जैसीथोक निवासी ३४ वर्षीय राजु भनेर चिनिने घनश्याम पोख्रेलको मंगलबार मृत्यु भएको हो।
पोखरेल अफ्नै घरभन्दा केही तल दिउँसो २ बजे आँपको रूखबाट लडेका थिए। उपचारका लागि गुल्मी अस्पतालमा ल्याए पनि अस्पतालले उनलाई मृत घोषणा गरेको जिल्ला प्रहरी कार्यालय गुल्मीले जनाएको छ।
उनी नवलपरासीस्थित रेडियो दौतरीका स्टेसन म्यानेज तथा प्रेस सेन्टर नवलपरासीका अध्यक्ष थिए। भेटघाटका लागि पाँच दिनअघि पोख्रल घर आएका थिए।