आईजीविरुद्ध मुद्दा हालेका एआईजी पोखरेलसहित ७ जनाको सरुवा (सूचीसहित)

नेपाल प्रहरीका महानिरीक्षक (आईजी) धिरजप्रताप सिंहविरुद्ध मुद्दा हालेका प्रहरी अतिरिक्त महानिरीक्षक (एआईजी) विश्‍वराज पोखरेलसहित सात जनाको सरुवा गरिएको छ।

नेपाल समय | मंगलबार, जेठ २४, २०७९

नेपाल समय

मंगलबार, जेठ २४, २०७९

आईजीविरुद्ध मुद्दा हालेका एआईजी पोखरेलसहित ७ जनाको सरुवा (सूचीसहित)

काठमाडौं- नेपाल प्रहरीका महानिरीक्षक (आईजी) धिरजप्रताप सिंहविरुद्ध मुद्दा हालेका प्रहरी अतिरिक्त महानिरीक्षक (एआईजी) विश्‍वराज पोखरेलसहित सात जनाको सरुवा गरिएको छ।

मन्त्रिपरिषद् बैठकले एआईजीद्वय विश्वराज पोखरेल र रवीन्द्र बहादुर धानुकको सरुवा गरेको हो। पोखरेललाई प्रहरी प्रधान कार्यालय प्रदेश समन्वय विभाग नक्सालमा सरुवा गरिएको छ। त्यसैगरी धानुकलाई काठमाडौं उपत्यका प्रहरी कार्यालय रानीपोखरीमा सरुवा गरिएको छ।

यसअघि सरकारले आईजीमा सिंहलाई नियुक्त गरेपछि उक्त निर्णयविरुद्ध पोखरेल सर्वोच्च अदालत पुगेका थिए। उक्त मुद्दा अहिले अदालतमा विचाराधीन रहेको छ।

एआईजीहरु वसन्तकुमार पन्त, हरि पाल, प्रधुम्‍नकुमार कार्की, निरजबहादुर शाही अनिवार्य अवकाशमा गएका छन्।