सफा हिमाल अभियानबाट ३३ हजार ८०० किलो फोहोर संकलन

नेपाली सेनाको नेतृत्वमा रोटरी क्लब अफ नागार्जुन तथा विभिन्न सरकारी दातृ निकायसँगको समन्वयमा सञ्चालन भएको सफा हिमाल अभियानको तेस्रो संस्करण सम्पन्न भएको छ।

नेपाल समय | मंगलबार, जेठ २४, २०७९

नेपाल समय

मंगलबार, जेठ २४, २०७९

सफा हिमाल अभियानबाट ३३ हजार ८०० किलो फोहोर संकलन

काठमाडौं– नेपाली सेनाको नेतृत्वमा रोटरी क्लब अफ नागार्जुन तथा विभिन्न सरकारी दातृ निकायसँगको समन्वयमा सञ्चालन भएको सफा हिमाल अभियानको तेस्रो संस्करण सम्पन्न भएको छ।

विश्व वातावरण दिवसको अवसरमा आइतबार होटल याक एन्ड यतीमा कोकाकोला फाउन्डेसनले समापन समारोह आयोजना गरेको थियो।

कार्यक्रममा वातावरण विभागका महानिर्देशक गोपाल प्रसाद अर्याल लगायत विभिन्न सरोकारवाला संस्थाहरु, अभियान साझेदारहरु र सरकारी अधिकारीहरुको उपस्थिति रहेको थियो।

सफा हिमाल अभियान २०२२ अन्तर्गत सगरमाथा, ल्होत्से, कञ्चनजंघा र मनास्लु गरि चार हिमालबाट ३३ हजार ८०० केजीभन्दा बढी फोहोर (७ हजार २२७ केजी कुहिने र २६ हजार ६५० केजी नकुहिने) संकलन भएको छ। संकलन गरिएको फोहोरलाई प्रमाणीकरण पश्चात वर्गीकरण, प्रशोधन र पुनः प्रयोगको लागि रिसाइकल पार्टनरलाई हस्तान्तरण गरिनेछ।