काठमाडौं- काठमाडौंको फर्पिङको जंगलमा मृत अवस्थामा भेटिएका एक युवक र युवतीको सनाखत भएको छ। युवक मकवानपुरको इन्द्रसरोवरका २० वर्षीय मनिस ठकुरी र युवती दाङको राप्ती गाउँपालिकाकी २० वर्षीया बिमला कुमालको रहेको खुलेको छ।
मृतक युवा युवतीको आज पहिचान भएको उपत्यका अपराध अनुसन्धान महाशाखाका प्रवक्ता एसपी कृष्ण कोइरालाले जानकारी दिए।
सोमबार दिउँसो जंगलमा उनीहरुको शव फेला परेको थियो। उनीहरुको साथमा भएका मोबाइल र अन्य कागजातका आधारमा शवको पहिचान भएको हो।
शव नजिकै दुईवटा विषको बट्टा पनि भेटिएको र घटनास्थल हेर्दा आत्महत्या गरेको हुन सक्ने प्रहरीको अनुमान छ। शव पोष्टमार्टमका लागि त्रिवि शिक्षण अस्पताल लगिएको छ। पोष्टमार्टम रिपोर्टपछि थप पुष्टि हुने एसपी कोइरालाले बताए।