जापानमाथि ब्राजिलको संघर्षपूर्ण जित

काठमाडौं – जापानमा भर्खरै सम्पन्न एक मैत्रीपूर्ण खेलमा ब्राजिलले घरेलु टिमविरुद्ध संघर्षपूर्ण जित निकालेको छ। जापानको राष्ट्रिय रंगशालामा ब्राजिलले घरेलु टिमविरुद्ध १–० को जित निकालेको हो।

६५ हजारभन्दा धेरै समर्थक उपस्थित भएको खेलको पहिलो हाफ गोलरहित बराबरीमा रोकिएपछि दोस्रो हाफमा ब्राजिलले गोल गरेको हो। खेलको ७७ औं मिनेटमा ब्राजिले पेनाल्टीको अवसर पाएका थियो।

पेनाल्टीको अवसरलाई सदुपयोग गर्दै नेयमारले गोल गरेका हुन्। खेलको ५३ प्रतिसत समय बलमा नियन्त्रण बनाउँदै जापानको पोस्टतर्फ २१ प्रहार गरे पनि ब्राजिलका बाँकी प्रयास सफल भएनन्।

यता जापाले पनि ब्राजिलविरुद्ध सात प्रहार गरेको थियो। तर उसले गोल गर्न भने सकेन। अब ब्राजिलले अर्को खेलमा निकट प्रतिद्वन्दी अर्जेन्टिनाको सामना गर्दैछ।

अष्ट्रेलियन मैदान मेलबर्न क्रिकेट रंगशालामा हुने यो खेल आउँदो शनिबार हुनेछ। यता ब्राजिल र अर्जेन्टिनाको विश्वकप छनोटको खेल भने अहिलेसम्म आयोजना हुन सकेको छैन।