एसियाली छनोटको तेस्रो खेलमा भुटानलाई नेपालले हरायो

काठमाडौं–  मलेसियामा जारी आईसीसी यू–१९ महिला विश्वकप अन्तर्गत एसियाली छनोटको भर्खरै सम्पन्न खेलमा नेपालले भुटानलाई हराएको छ। मलेसियामा आयोजित एसियाली छनोटमा यसअघि नै यूएईसँग लज्जास्पद हार बेहोरेको नेपालले मलेसियाविरुद्ध भने चार विकेटको जित निकालेको हो।

टस जितेर पहिले ब्याटिङ गरेको भुटानले पूरा ओभर खेल्दै ९ विकेट गुमाएर ६६ रन बनाएको थियो। यससँगै नेपालले ६७ रनको लक्ष्य पाएको हो। जवाफमा नेपालले १३ ओभर एक बल खेल्दै छ विकेट गुमाएर ६७ रन बनाएर जित निकाल्यो।

नेपालाई जित दिलाउन सन्जु राजवंशीले सबैभन्दा धेरै ३० रन बनाइन भने सना प्रविनले पनि १२ रनको योगदान दिइन्। त्यस्तै, शृष्टि जैसीले पनि ८ रनको योगदान दिइन्।

नेपालले ब्याटिङ गर्ने क्रममा भुटानकी सन्गय वांमोले तीन विकेट गिराइन भने अन्जली घले र सोनमले समान १–१ विकेट लिए।

त्यस्तै, पहिलो पारीमा भुटानकी ग्वांग छोदेन र वांग्मोले समान ११–११ रन बनाएका थिए। नेपालले अतिरक्त १० रन दिएको थियो। नेपालका लागि अनु कडायत, मनिष कुमारी उपाध्याय र कृतिका मरासिनीले समान २–२ विकेट लिएका थिए।

यसअघि सम्पन्न पहिलो खेलमा  नेपालले कतारलाई ७९ रनले हराएको थियो भने दोस्रो खेलमा यूएईविरुद्ध १० विकेटको हार बेहोरेको थियो। दोस्रो खेलमा नेपाल यूएईसँग ८ रनमा अलआउट भएको थियो। त्यसपछि यूएईले सात बलमै नेपालले दिएको लक्ष्य पूरा गरेको हो।