विराटनगर बम विस्फोट प्रकरण : नौ जना पक्राउ

इटहरीः विराटनगरमा भएको बम विस्फट प्रकरणमा प्रहरीले नौ जना पक्राउ परेका छन्। घटनामा संलग्न भएको भन्दै प्रहरीले आइतबार बेलुकासम्म नौ जनालार्इ नियन्त्रणमा लिएको हो। 

उनीहरुमाथि अनुसन्धान भइरहेको मोरङ प्रहरी प्रमुख एसपी मनोज कुमार केसीले बताए।

विराटनगर महानगरको नयाँ र पुरानो भवनकोबीचमा पैदल हिड्ने ठाँउमा आइतबार दिउँसो २ बजेतिर बिहान बिस्फोट भएको थियो। विस्फोट भएको ठाँउ मेयरको कक्ष भएको पर्खालबाट तीन मिटर मात्रै टाढा हो। 

विस्फोटले मेयरको गाडीमा सिसा फुटेर क्षति पुगेको छ भने बिस्फोट स्थलका सोफा र दराज  र आसपासका धुजाधुजा भएको महानगरका कर्मचारी धिरज राईले बताएका हुन्। 

विराटनगर ७ स्थित शनिहाट क्षेत्रमा रहेको महानगरमा भएको बिस्फोटले कुनै मानविय क्षति भने नभएको महानगरले जनाएको छ। बम विस्फोट भएको क्षेत्र प्रहरी पोस्टबाट साढे १ किलोमिटर मात्रै टाढा छ।