ललितपुर- किशोरीलाई जबरजस्ती करणी गरेको अभियोगमा प्रहरीले एक जनालाई पक्राउ गरेको छ। १५ वर्षीया किशोरीलाई जबरजस्ती गरणी गरेको अभियोगमा प्रहरीले गोदावरी नगरपालिका-१४ ठैब बस्ने रामेछाप खांडादेवी गाउँपालिका-१ लुभुघाट घर भएका २३ वर्षीय अनोज माझीलाई शुक्रबार दिउँसो प्रहरीले पक्राउ गरेको हो।
गोदावरी नगरपालिका-१ दमैटारस्थित सडक किनारामा माझीले चलाउँदै आएको प्रदेश ३-०१-०२४ च ३५९७ नम्बरको हात्ती गाडीमा ती बालिकालाई ललाई फकाई जेठ ९ गते राति जबरजस्ती करणी गरेको भन्ने खबर प्राप्त हुनासाथ प्रहरी वृत्त सातदोबाटोबाट खटिएको प्रहरीले उनलाई पक्राउ गरेको हो। उनलाई पक्राउ गरेर अनुसन्धान थालिएको प्रहरीले जनाएको छ।