युक्रेनलाई हराउँदै वेल्स विश्वकपमा छनोट

काठमाडौं- आइतबार राति आउँदो फिफा विश्वकपको युरोपेली छनोट सम्पन्न भएको छ। छनोटअन्तर्गत प्ले अफको अन्तिम खेलमा वेल्स र युक्रेनले प्रतिस्पर्धा गरेपछि युरोपबाट विश्वकपमा सहभागि बन्ने सबै टिमको टुंगो लागेको हो।

अब युरोपबाट यसै वर्ष कतारमा हुने विश्वकप खेल्ने १३औं देश बनेको छ वेल्स। उसले आइतबार राति सम्पन्न खेलमा युक्रेनलाई १-० ले हराउँदै विश्वकपमा स्थान बनाएको हो।

यो प्ले अफको खेल केहि समयअघि नै सम्पन्न भइसक्नु पर्ने थियो। तर, रसिया र युक्रेनको युद्ध चलिरहेको कारण युक्रेनले छनोटमा सहभागिता जनाउन सकेको थिएन।

युद्धबीच पनि विश्वकपमा खेल्ने सपना लिएर युक्रेट क्वालिफायमा होमिएको थियो। क्वालिफारको सेमिफाइनल खेलमा उसले स्कटल्यान्डलाई हराए पनि फाइनलमा जित निकाल्न सकेन।

क्वालिफायरको फाइनल खेलमा आत्मघाति गोलका कारण युक्रेनले खेल गुमाएको हो। खेलको ३४औं मिनेटमा ग्यारेथ बेलले प्रहार गरेको फ्रि किक युक्रेनका एन्ड्रिी यर्मोलेन्कोलाई लागेर बलले दिशा परिवर्तन गर्दै पोस्टभित्र छिरेको थियो। यससँगै खेलमा वेल्सले जित निकालेको हो।