मनसुन भित्रिएसँगै लमजुङमा सबैभन्दा धेरै वर्षा

काठमाडौं- मनसुन भित्रिएसँगै देशका अधिकांश स्थानमा वर्षा भइरहेको छ। बागमती, मधेस प्रदेश र प्रदेश-१ को मौसम अहिले सामान्यदेखि पूर्ण बदली भएको छ। अन्य प्रदेशमा पनि मौसम आंशिकदेखि सामान्य बदली छ।

मनसुन सक्रिय भएसँगै गएको २४ घण्टामा लमजुङ र सिन्धुलीमा सबैभन्दा धेरै वर्षा भएको छ। लमजुङको खुँदी बजारमा एक सय मिलिमिटरभन्दा धेरै पानी परेको छ भने सिन्धुलीको कुसुन्टारमा ८८ मिलिमिटरभन्दा धेरै पानी परेको मौम पूर्वानुमान महाशाखाले जनाएको छ।

यस्तै, पोखरामा लामापाटनमा पनि ६० मिलिमिटरभन्दा धेरै पानी परेको छ। यी क्षेत्रका खहरे खोलामा बाढी आउन सक्ने भएकाले सतर्कता अपनाउन महाशाखाको आग्रह छ। आज पनि देशका धेरै ठाउँमा पानी पर्ने अनुमान गरिएको छ ।

प्रदेश-१ बाट भित्रिएको मनसुन एक हप्ताभित्र देशभर फैलने अनुमान गरिएको छ। नेपालमा समान्यतया जुन १३ तारिखमा मनसुन भित्रने भनिए पनि यसपालि मनसुन ५ तारिखमा नै मनसुन भित्रिएको छ।