काठमाडौं- नेपाली राष्ट्रिय सिनियर टिमका ओपनर कुशल भुर्तेल र आसिफ शेख घाइते भएको नेपाल क्रिकेट संघ (क्यान) ले जानकारी दिएको छ। ‘दुवैको खुट्टामा चोट देखिएको छ। र, उनीहरुको खुट्टा अमेरिकासँगको पहिलो खेलसम्ममा ठिन नहुने देखिन्छ,’ क्यानले सूचनामा लेखेको छ।
अब नेपालले अमेरिकामा हुने आईसीसी विश्वकप लिग २ को खेलमा अमेरिका र ओमनसँग आगामी ९ जुनबाट खेल्दैछ।
त्यस्तै दुई खेलाडी घाइते भएपछि नेपाली टिमले सुवास खकुरेललाई टिममा बोलाउने भएको छ। खकुरेलले टिमको अभ्यास खेलमा सहयोग गरिरहेका थिए। त्यसै कारण उनलाई टिममा बेलाइएको हो। उनको प्रदर्शन सन्तोषजनका रहेको क्यानले जानकारी दिएको छ।
नेपाल अहिले लिग २ को खेलका लागि अमेरिका भ्रमणमा छ। भ्रमणअघि नेपालले दुई अभ्यास खेल पनि खेलिसकेको छ।