नेसन्स लिगः हंगेरीसँग इंग्ल्यान्ड पराजित, बराबरीमा रोकिए इटाली र जर्मनी

काठमाडौं- युरोपमा जारी यूइएफए नेसन्स लिगको शनिबार राति सम्पन्न खेलमा इंग्ल्यान्डसँग हंगेरीले १–० को हार बेहोरेको छ।

हंगेरीको पुस्कस एरिना पार्कमा शनिबार राति सम्पन्न भएको खेलमा घरेलु टिमले पाहुना टोली इंग्ल्यान्डलाई हराएको हो।

खेलको पहिलो हाफ गोल रहित बराबरीमा रोकिएको थियो। तर, ६६औं मिनेटमा हंगेरीले पेनाल्टी प्रहारको अवसर पाएको थियो।

पेनाल्टीमा डोनिमिक सोबोस्लाईले खेलको ६६औं मिनेटमा गोल गरेका थिए। खेल अवधिभर ५८ प्रतिशत समय बल आफ्नै नियन्त्रणमा राखे पनि इंग्ल्यान्डको अग्रपंतिमा रहेका मेसन माउन्ट, ह्यारी केन र बोवनले गोल गर्न सकेनन्।

यद्यपि इंग्ल्यान्डले हंगेररीको पोस्टतर्फ १२ प्रहार भने गरेको थियो। यो जितसँगै समूह तीनको लिग 'ए'मा हंगेरी शीर्षस्थानमा छ भने हारसँगै इंग्ल्यान्ड पुछारमा छ।

यो समूहमा समान १–१ अंक बनाएका जर्मनी र इटाली दोस्रो र तेस्रो स्थानमा छन्। शनिबार रातिको खेलमा जर्मनी र इटालीले १–१ को बराबरी खेलेका थिए। जर्मनीका तर्फबाट जोसुवा किमिचले गोल गरे भने इटालीका लोरेन्जे पेलेग्रिनीले गोल गरेका थिए।

लोरेन्जेले ७०औं मिनेटमा गोल गर्दै अग्रता बनाए पनि त्यसको तीन मिनेटमै किमिचले बराबरी गोल फर्काएका थिए।

शनिबार राति नै सम्पन्न भएका बाँकी खेलमा टर्कीले फिरो आइल्यान्डमाथि ४-० को सानदार जित निकालेको छ भने रोमानियाँले मोन्टेनेग्रोसँग २-० को हार बेहोरेका छ।

यता फिनल्यान्ड र बोसनिया हर्जगोभिनाले बराबरी गर्दा अर्मेनियाले आयरल्यान्डलाई १-० ले  हराएको छ।

त्यस्तै, लिथुनियाले लक्जम्बर्गविरुद्ध जित निकाल्न सकेन। अन्ततः लक्जम्बर्गले २-० को जित दर्ता गर्‍यो।